Танылган якташыбыз Кадыйр Сибгатуллинның тууына бүген 80 ел булды. Татарның танылган шагыйре, Татарстан Язучылар берлеге әгъзасы 1942 елның 15 февралендә Балык Бистәсе районы Балыклы Чүкәй авылында туган. Балачагы Кече Укмас авылында уза. 1953-1957 елларда безнең Яншык мәктәбендә укыган. Соңыннан район газетасында, Казанда, Чаллыда эшләгән. Аның иҗатына Хәсән Туфан бик олы бәя биргән. Кадыйр Сибгатуллин 1994 елда Чаллыда вафат була. Кабере Кече Укмас зиратында. Чаллыда бер урамга аның исемен биргәннәр.

Яншыкның иң биек җирендә Бариев Гомәр абый һәм Сәнә апайлар яшәделәр. Алар 5 бала тәрбияләп үстерделәр. Үрнәк гаилә! Бүген аларның балалары бишесе дә бердәм булып авылга кайтып йөриләр. Аларга тәрбияне дә бик югары ноктада биргәннәр. Күпләргә үрнәк булырлык дус нәсел. Шушы гаиләнең бер вәкиле Габдулкадыйрга бүген 65 яшь тулды. Аны чын күңелдән юбилее белән котлыйбыз! Габдулкадыйр авылда җәмәгать эшләреннән, өмәләрдән калмый, бик актив катнаша. Аңа озын гомер, сәламәтлек, бәхет телибез.

Зур хөрмәт белән, классташлары.