Хөрмәтле авылдашлар! Яншык зираты коймасын коруда үзегездән матди ярдәм күрсәтеп, савап эшләү мөмкинлеге бар. Ярдәм итү ысуллары турында Васил Шәрәфиевка шалтыратып белешә аласыз.

Телефоны: 89172509214

Әлеге мәкалә 1995 елда «Мәдәни җомга» газетасында чыккан. Анда Яншык кешеләре турында, Кыскал асты, Мирәт турында, олы кешеләрнең хатирәләре турында язылган. Кайсына ышанырга, кайсына юк — үзегез хәл итегез. Шулай да, әлеге язманы укып чыгарга киңәш итәбез, бик кызык:

Язманы укырга >>

Авылдашыбыз Тәлгать Шәмәгсумов вафат. Туганнарының кайгыларын уртаклашабыз. Урыны җәннәттә булсын. Авыр туфрагы җиңел булсын…

Гыйльман Фәйзуллин фотосы.

Яншык зираты коймасы хәзер менә шушындый. Яңарту эшләрендә катнашкан барлык авылдашларга бик зур рәхмәт! Аллаһы Тәгалә разый булсын. Шушында җирләнгән әби-бабаларыбызның, туган-тумачаларыбызның рухлары шат булсын!

Өмәдән Гыйльман Фәйзуллин фотолары >>

Бу көннәрдә Яншык зиратының коймаларын яңарту эшләре бара. Кем булдыра ала, иртәгә иртән 3 октябрь көнне әлеге эшләргә кушылсагыз иде. Үзегез белән крестовый биталы шуруповёрт алып менсәгез, яхшы булыр.

Яншык юлына асфальт җәйдерү буенча шушы көннәрдә Татарстан Транспорт һәм юл хуҗалыгы министры Ленар Сафин янына кергән идек. Министр игътибар белән тыңлады, “мин ул юлны беләм, минем анда булганым да бар” диде. Әмма асфальт булыр дип вәгъдә итмәде. Төп проблема – авылда халык саны аз. Әмма берничә көннән министрлыктагы бүлек җитәкчесеннән шалтырату килде. Яншык юлы турында күбрәк мәгълүмат сорадылар. Һәм тагын берничә көннән почта аша менә шушындый хат килде. Сөенечен сезнең белән дә уртаклашабыз. Бәткедән Яншыкка кадәр асфальт җәйдерү 2022 ел планына кертелгән. Менә әлеге хаттан өземтә: “Устройство асфальтобетонного покрытия на участке от с.Бетьки до Янчиково предусмотрено проектом Программы дорожных работ 2022 год”.

Мансур абыйны чын күңелдән котлыйбыз!
Укучыларыбызга бүген «Мәдәни җомга» газетасы сайтында чыккан Ринат Мөхәммәдиевнең «Җан җылысы булып ул яна» дигән язмасын укырга тәкъдим итәбез:

«Народный контроль» сайтында Яншык күперен ремонтлау (юлын тигезләү, чокырларын бетерү) буенча заявка ясадык. Заявканы кабул иттеләр, теркәлде. Хәзер сездән шул сайтка кереп «Поддерживаю» дигән яшел төймәгә басуыгыз сорала (моның өчен «Госуслуги» сайтында теркәлгән булу зарур). «Поддерживаю» дигән төймәне никадәр күбрәк кеше баса, күперне ремонтлау шанслары шул кадәр зуррак. Мәсьәләне бергә хәл итик, яншыклылар! Иренмәгез, шушында кереп «Поддерживаю» дип басыгыз:

https://uslugi.tatarstan.ru/open-gov/detail/3408523

Өстәп шунда комментарий язсагыз, тагын да яхшырак булачак.