Бүген Яншыкта күкәй җыю бәйрәме булды. 1 май көнне бала-чага, гадәттәгечә, өйдән-өйгә йөреп, буялган йомырка, кәнфит-шоколад җыя. Иртән салкын булуга карамастан, иң кечкенәләргә кадәр бәйрәмдә катнашырга чыккан. Ким дигәндә 5-6 компания балалар йөрде бүген. Һәркайсында 5-6 бала. Күкәйләрне җиткерерлек түгел. Шуңа күрә күп кенә авылдашлар бәйрәм бүләге итеп кәнфит, шоколад, чупа-чупс таратты. Аларга балалар аеруча шатланды кебек. Бу видеода авылыбызда яшәүче иң өлкән кешеләрнең берсе Хуҗа бабай балаларга күчтәнәч өләшә:

Яншыкта яшәүче иң өлкән кешеләрнең берсе Хуҗа бабай балаларга күчтәнәч өләшә.

Публикация от Яншык Авылы (@yanchikovo) 1 Май 2018 в 11:27 PDT

Гыйльман Фәйзуллинның 7 апрель көнне төшергән фотолары:

Бөтен фотоларны карарга >>

Танылган шагыйрь, публицист, Язучылар берлеге әгъзасы, Татарстанның атказанган мәдәният хезмәткәре, Россиянең Ломоносов премиясе лауреаты Шаһинур Мостафинның Яншыкка кайтканы бар икән. Якташыбыз, танылган шагыйрь Рәшит Шиһаповны соңгы юлга озатырга кайткан ул. «Яншыкның халкы бердәм икәнне күрдем, Яншык халкы миңа бик якын булып калды», — дип сөйләде Шаһинур абый. Шушы видеода ул яншыклыларга сәламен җиткерә:

Балык Бистәсендә шахмат, шашка турниры узды. Шамаксумова Асфира апа шашка уенында 3 урын алды. Чернов Валентин Николаевич шахмат уенында катнашып 7 урынны яулап кайтты, дип хәбәр итә Алсинә Шәрәфиева.

Яншык авылы китапханәсендә шушы көннәрдә берничә мәдәни чара узды. Бу турыда авылыбызның активисты Алсинә Шәрәфиева хәбәр итә.

Касыймов Гыйльман Галим улын искә алу кичәсеннән күренешләр:

Рәшит Шиһаповның тууна 80 елга багышланган чарадан күренеш:

Кайгылы хәбәр…
Бүген Яншык зиратында Хәйдәр Шамагсумовны җирләделәр.
Авыр туфрагы җиңел булсын.
Туганнары һәм якыннарының тирән кайгысын уртаклашабыз.

Бу турыда ул министрлык коллегиясендә белдерде, дип яза «Бизнес-Онлайн».

Яншыкка юл салу тендеры турында язган идек. Менә аның техзаданиесыннан өземтә. Срок выполнения работ: 17.10.2018 диелгән. Димәк, асфальт эшләрен киләсе ел көзенә кадәр бетерергә тиешләр.

Ә монысы гарантия пункты. Юлның нинди өлешләренә ничә ел гарантия бирелә:

Яншыкка асфальт юл булмый, таш кына калачак дигән имеш-мимешләр йөри. Ничек булыр, әмма 2017 елның 17 июлендә тендерлар үткәрү буенча дәүләт ресурсында «Выполнение работ, по ремонту автодороги Рыбная Слобода — Янчиково в Рыбно-Слободском муниципальном районе Республики Татарстан (1 этап) (устройство асфальтобетонного покрытия)» дигән тендер игълан ителгән. Беренчел бәясе 90 265 968 сум. Анда ике оешма катнашкан: ООО «Волгадорстрой» һәм АО «Татавтодор». Әлеге эшләргә 89 814 638 сум бәя тәкъдим итеп, «Татавтодор» тендерны 2017 елның 3 августында откан. Документларда юл асфальт-бетон дип бара.

Нәтиҗә:
1) Яншыкка асфальт-бетон юл өчен дәүләт 90 млн сум бүлеп биргән
2) тендер 44нче федераль законның бөтен шартларын туры китереп уйнатылган
3) асфальт-бетон юл салу тендерында җиңүче һәм 90 млн сум акчаны алучы оешма бар
4) Яншыкка асфаль-бетон юл таләп итәбез!

Тендер белән моннан таныша аласыз: http://zakazrf.ru/ReductionTrade/id/370590

Тендерның бөтен документациясе (проект, техзадание, ГОСТлар) монда: http://zakazrf.ru/Reduction/id/370590