8 июнь көнне Яншыкта Сабантуй. Рәхим итегез! Башлана 11.00.
Ә әлегә узган елгы бәйрәмнән видео карый торыгыз.

Яншыкта көннәр эссе тору сәбәпле шомыртлар бер тәүлек эчендә берьюлы чәчәк атты. Бөтен авыл ап-ак чәчәктә. Моңа Гыйльман Фәйзуллин игътибар иткән. Һәм 11 май көнне төшерелгән фото һәм видеолардан тезмә эшләгән. Рәхим итеп карагыз.

2018 елның соңгы сәгатьләре калып бара. Авылдашыбыз Гыйльман Фәйзуллин яншыклыларга Яңа ел бүләге эшләгән — Авыл көненнән видеорепортаж. Бергәләп карыйк. Яңа ел белән, якташлар!

Татарстанның халык шагыйре, Тукай премиясе лауреаты, якташыбыз Равил Фәйзуллин яншыклыларга кайнар сәламен җиткереп кала. Равил абый кайвакыт Яншык сайтына да кереп чыккалый икән. Шушы көннәрдә аның зур гына китабы чыкты. Анда Балык Бистәсе районы турында кызыклы мәгълүмат, уникаль фотолар бар. Равил абыйның сөйләгәннәрен видеога яздырып алдык:

Бүген Яншыкта күкәй җыю бәйрәме булды. 1 май көнне бала-чага, гадәттәгечә, өйдән-өйгә йөреп, буялган йомырка, кәнфит-шоколад җыя. Иртән салкын булуга карамастан, иң кечкенәләргә кадәр бәйрәмдә катнашырга чыккан. Ким дигәндә 5-6 компания балалар йөрде бүген. Һәркайсында 5-6 бала. Күкәйләрне җиткерерлек түгел. Шуңа күрә күп кенә авылдашлар бәйрәм бүләге итеп кәнфит, шоколад, чупа-чупс таратты. Аларга балалар аеруча шатланды кебек. Бу видеода авылыбызда яшәүче иң өлкән кешеләрнең берсе Хуҗа бабай балаларга күчтәнәч өләшә:

Яншыкта яшәүче иң өлкән кешеләрнең берсе Хуҗа бабай балаларга күчтәнәч өләшә.

Публикация от Яншык Авылы (@yanchikovo) 1 Май 2018 в 11:27 PDT