Башка фотолар >>

Кайгылы хәбәр. Авылдашыбыз Каюмов Зиннур абый вафат. Бүген Яншык зиратында җирлиләр. Зиннур Нәҗип улының якыннарының, туганнарының тирән кайгыларын уртаклашабыз.

Гыйльман Фәйзуллин фотосы.

95 яшендә Рәүф кызы Нәйрә апа вафат. Авылыбызның олуг шәхесе күп еллар укытучы булып эшләде, Яншык һәм якын-тирә авыллардан бик күп кешене белемле итте, олы тормышка аяк бастырды. Бүген Нәйрә апаны соңгы юлга озаттылар. Ул Яншык зиратында җирләнде. Урыны җәннәттә булсын. Якыннары һәм туганнарының тирән кайгыларын уртаклашабыз.

Кайгылы хәбәр. Хәрби хезмәттә авылдашыбыз Хәйретдинов Илгизәр вафат. Бүген Яншык зиратында җирләделәр. Соңгы юлга озатуга район башлыгы Радик Ислямов та килгән иде. Илгизәр Вакыйф улының урыны җәннәттә булсын. Якыннарының тирән кайгыларын уртаклашабыз.

Тагын бер кайгылы хәбәр. Кичә вафат булган Гайнетдинов Дамирның абыйсы Гайнетдинов Илшат вафат. Бүген Яншык зиратында ике кабер казыйлар. Вакыйф абый малайлары, абыйлы-энеле Дамир һәм Илшатның туганнарының, якыннарының тирән кайгыларын уртаклашабыз. Яхшы кешеләр иде. Урыннары җәннәттә булсын!

Якташыбыз Гайнетдинов Дамир Вакыйф улы якты дөньядан китте. Якыннарының тирән кайгыларын уртаклашабыз.

Гыйльман Фәйзуллин фотолары

Гыйльман Фәйзуллин фоторепортажы.
Фотоларны карарга >>

Хөрмәтле яншыклылар!
3нче август көнне 14.00 сәгатьтә сезне Авылдашлар очрашуына көтеп калабыз.
Гаилә елына багышланган бәйрәмдә авылыбызның нәсел җепләрен барларбыз, истәлекләр белән уртаклашырбыз, үткәннәрне хәтердә яңартырбыз. Иң зур, иң музыкаль, иң биюче, иң иҗади (шигырь язучы), иң җитез, иң көчле, иң авыр, иң озын буйлы булган гаиләләрне билгеләрбез.

Бәйрәмдә очрашканга кадәр!

Оештыру комиссиясе.

Бүген Яншык зиратында ел да 9 май көнне оештырыла торган өмә узды. Салкын һава торышы булуга карамастан, зиратны чистартырга күп кеше килгән иде. Авылда яшәүчеләр дә, читтән кайтучылар да шактый булды. Өмәдән соң Фәнил хәзрәт әрвахларга атап дога кылдырды. Өмәдә катнашкан кешеләргә бик зур рәхмәт! Шушы зиратта җирләнгән әби-бабаларыбызның, туганнарыбызның рухлары шат булсын.

Гыйльман Фәйзуллин фотосы.

Юл хуҗалыгы министрлыгына биргән соравыбызга шундый җавап килде:

В текущем году планируется устройство асфальтобетонного покрытия на участке автодороги Рыбная Слобода – Янчиково от с.Бетьки до поворота на д.Малый Атмас протяженностью 1,8 км. Устройство асфальтобетонного покрытия на участке автодороги от поворота на д.Малый Атмас до с.Янчиково протяженностью 2,8 км будет рассматриваться при формировании программ дорожных работ последующих лет в пределах выделяемых объемов финансирования.