Шушы составта бүген хатын-кызларыбыз зират коймасын буяп бетерделәр. Бик тырышып һәм җитез эшләделәр. Осталыклары елдан-ел арта. Мәсәлән, узган елны 170 метр араны буярга 2 көн кирәк булса, бүген 214 метр ара нибары 2 сәгать эчендә буялды. Бик зур рәхмәт! Изге эшегездән Аллаһы Тәгалә разый булсын!

Хөрмәтле авылдашлар!
Яншык зиратында яңа койма кору эшләре дәвам итә. Кичә сварка эшләре тәмамланды. Хезмәт куйган барлык кешегә рәхмәт! Бу шимбә 3 сентябрь көнне эшләр дәвам итәчәк. Мөмкинлеге булган кешеләр 08.00 сәгатьтә зиратка менегез. Үзегез белән шуруповёрт һәм уровень алсагыз, яхшы булыр иде. Күмәк эшләгән очракта, зираттта 3 сәгатьлек эш калып бара.